عودة يوميات the biggest loser بشكل جديد
مجتمع رجيم / أرشيف رجيم
كتبت :
zena
-
توتا ممتاز بالتوفيق
بس اذا بتحبي فيه بقسم الرياضه الي بالمنتدى تمارين مصوره حلوه...
يلا وين باقي الناس مش شايفه حد ...
انا الحمد لله تغديت هلء : ساندويش لافاشكري+علبة لبن اكتيفيا +كاسة بيبسي دايت...
بما انو ما ورانا شيء بدي احكيلكم موقف صار معي اليوم خلاني بجد اتسمك بالرجيم اكتر واكتر
كنا جالسات انا وسلفاتي الصبح بنلقط ملوخيه خخخخخخخخ
المهم خلال الجلسه وحده من سلفاتي قالت بدها تروح السوق تشتري قميص نوم مميز
عشان زوجها بيجي من العمره كمان كم يوم... نطت سلفتي الثانيه انا امي اشترتلي قميصين
نوم خفاف ورخاص وحلوات ... نطينا كلنا بنقلها ورجينا اياهم...
وراحت سلفتي التانيه على غرفتها وجابتهم وبصراحه كتييييير عجبوني ونعومات وبيتوتات..
فقلتلها خلاص وصيلي امك اتجيبلي مثلهم على ذوقها وانا بعطيكي حقهم..
قامت سلفتي الاولى بتقلي يؤ قمصان النوم هدول بيجوا على مقاسك؟؟؟ اصلا كثير صغار عليكي..
ساعتها حسيت كانها ضربتني كف والله
... حكيت بعقلي ان شاء الله راح اجيبهم وراح البسهم هالصيف هاد غصبعن الكلللللللل..... واكدت علهيا تجيبلي اثنين...
بصراحه غااااااظتني بس مو مشكله كلها شهرين ثلاث وبصير احلى منها هادي الي بتحكي..
وحتصير ساعتها تيجي تقلي من شان الله هاتي قميص نوم من عندك هع هع هع
