رَشاقتَي بـ إرادّتي ..~

مبرووووووووووك

تدرين ليه ابارك لك
اقولك ياستي

























ع قوة الاراده الي عندك لو وحده ثانيه كا ناكلت وقالت تعبت من الرجيم



انا مشكلتي جسمي وزنه زايد من الحمل والعلاجات عشان كذا ما انزل بسرعه بس ما استسلمت لالالالا مواصله باذن الله باقي حياتي ع نظام صحي عشان وزني وعشان اتجنب الامراض الله يكفينا شرها




برضو اليوم افطرت حليب خالي الدسم وثلاث تمرات وتغديت زبادي فقط



وجالسه قدامي صحن تفاح وبرتقال وقاروره مويه اشرب كل شوي عشان مااحس بجوع


ياااه والله من جدك قرب رمضان يااااااااااااارب بلغنا رمضان واحنا بصحه وعافيه واعنا ع طاعتك وحسن عبادتك




واصلي ع نظام الدكتوره الين وراح تدعين ليه باذن الله

انا خسيت سته كيلو بشهر وانتي راح يكون اكثر لانك بنوته

ربي يحفظك وين ما كنتي

حبيبتي والله


الواحد يفكر للمستقبل ، مو يوصل لسن كبيره وهو مو قادر يشيل نفسه ويمشي ..
الله يشفي و يعين الجمييع يارب
حلو والله انك مايأستي بالعكس زايد اصرارك ماشاء الله بعدين لسا انتي صغيره
يعني بالراحه يمديكي تنزلي الوزن ان شااااااااء الله

والله يسعد قلبك يارب

المشكله انا اللحين ابغا اشد اردافي مو عارفه كيف .. امشي ع السير حق ساعه تقريبا بس ماتغير شي

-

امس تعشيت ساندويتش خبز اسمر بدجاج مشوي وماتغديت كنت برا البيت ماامداني

اليوم

شربت كاس مويه دافيه بليمون وعسل
واللحين حجهز الفطور توست اسمر بجبن لايت وكاس عصير برتقال


-

سلام كيف الحال والهمه


ما شاء الله عليك واصلي


ان شاء الله نوصل امس رحت للسوق واشتريت ملابس كنت احلم البسها والله جسمي تغير كثييير وبناتي قالولي بجد جسمي انشد

ولازم اواصل باذن الله

بالنسبه لشد الارداف طلوع الدرج يشده ولما تلعبين رياضه شدي جسمك وانتي تلعبين وفيه كمان طريقه حلووه مره


اجلسي ع الارض يكون سجاد اوكي ومدي رجولك وامشي بالمؤخره حركيها كانك تمشين عشر خطوات قدام وارجعي ورا برضو والله روعه


وكمان وانتي وافقه ارفعي رجولك كانك تطلعين الدرج وكل مره ارفعي اكثر خمسين مره روعه برضو


اهم شي لا تاكلين وتنامين ابد


والله يوفقك

انا اليوم افطرت كورن فلكس ياادوب شويات دايت


والغدا اخذت شوي من سلطه تونه وخيار وجرجير وعملت بابا غنوج دايت واخذت شويات


العشا فواكه ومويه شربت كثيير


والله يعين ورايه سهره للصبح وما باكل بس بشرب مويه

بننات انا ابغا انضم لكم

انا طولي 160
وزني :74

الهدف الاول : 70
الهدف التاني : 65
الهدف التالت :58

و بااارب اوصلل للي ابغاه

انا يوم الجمعة بدات رجيم الفواكه والخضار
اليوم الاول كان فواكه بس يعني المفروض كدا بس خربتو مرة
قلت حاكمل برضو و محا اخربو و كان اليوم التاني خضار و برضو خربتو

بس شكلي حابدا من بكرة ان شاء الله بنظام جديد يعني مع الفواكه و الخضار ماقدرت
يعني نفسي اكل شي ناشف اشياء مشوية ماقدر يوم كامل على شي واحد
عشان كدا ابغا اغير
و ابغا ابدا معاكم رجيم حلو يعني
وينحف بفترة سريعة
يعني انا اتمنى يجي العيد و اكون نحيفة ولا لمن تبدا المدرسة
مرررررة نفسي
يعني كم كمان كم شخص جا يقولي انحفي ومادري ايش
دايما ابدا رجيم واخربو بس هدي المرة لا ابغا ابدا من جد و بعزيمة قووية

يااهلا بسومه منوره حبيبتي

شوفي لرجيم الي زي كذا راح تملين منه

انصحك برجيم الين الناشف والله راح ترتاحين منه كثييييييييييير صدقيني جربته في شهر نزل وزني سته كيلو لا تقولين قليل لالالا وربي فرق

اانتي بنوته وراح تخسين اكثر اهم شي تمشين عليه النظام والفطور والغدا والعشاء وبعد ثماني لا تاكلين الا عصاير طازجه وكثري مويه والرياض بعد عشره ايام اهم شي العبي اجري نطي الحبل اطلعي الدرج وانزلي وبتشوفييين كيف راح ياجي العيد وانتي غير اهم شي الاصرار والاراد اهمممم شي ولصبر مو تقولين مليت لالالا كفايه اوكي ابي اشوف يومياتك الحلوه

انا اليوم فطوري كان عصير ليمون وبعده اخذت تفاحه لاني صاحيه متاخر

الغدا كان سلطه وعصير

وبس واهم شي ثلاجه الزنجبيل والشمر والقرفه جنبي والشاهي الاخضر احط في الكوب لاني ما ابي اكثر شاهي تعبت من السهر

العشا بيكون زبادي وبسس


ايلا وينك حبيبتي تعالي هاتي يومياتك


ريفال يارب تجين ونشوفك هنا معانا