كلنا غير قبل شهر الخير

مجتمع رجيم / مسابقات الرجيم والرشاقة

كتبت : اخلاص لله

صباح الخير يا بنات
وزنت اليوم 98 كغ يعني زائدة كيلو ما شاء الله علي اجنن
و كمان حاسة بخمول و كسل و لا انام جيدا لذلك مرهقة
جذور انا وانت وزننا متقارب احنا كمان نعمل تحدي شو رأيك ههههه

كتبت : ام ناصر**

السلام عليكم
يومكم سعيد بنات
عنوان جمييل ام ملك
ان شاء الله كلنا غير قبل رمضان
انا وزنت اليوم 94.4
ياا رب نتخلص من التسعين قرييبا

كتبت : ام ناصر**

اخلاص علاه هكا حنونة
قوي همتك واعزمي
والله ما كسبنا شي من ورا هالشحوم الا الكسل والمنظر البشع
اللي حققوا اهدافهم مش احسن منا
مثل ما قدرا نقدر احنا كمان
الدعاء الدعاء
ربي يساعدنا وننحف على خير

كتبت : ام ناصر**

بنات انا عجبني الرجيم هذا
بديت اطبق فيه من امس
مين تحب تشاركني

ده مش نظام اللقيمات ده نظام شبهه كده انا اللي اخترعته عشان اقدر اعمل دايت بدون حرمان بالاكل المتاح في البيت من غير اي اي حرمان او اكل معين
انا عملت ايه بقي وركزوا معايا
باكل اكل البيت المتاح عادي جدا بس علي وجبتين يوميا بكميات صغيره اوووي + ليا حاجه حلوه بحبها ٣٠ جرام في اليوم + ثمرتين فاكهه وكوب زبادي صغير او لبن صغير للي مش بيحب الزبادي وبشرب اي مشروب براااااحتي بسكر دايت اي نوع مفضل عندك
(سكر سويتال حلو جدا ومستخرج من الذره الطبيعي )
مثلا مثال ليوم رجيم
عندك الوجبتين شوف هتاخدهم فطار وغدا ولا غدا وعشا انت حر والوجبه التالته هتكون ثمرتين الفاكهه وكوب زبادي صغير او كوب لبن صغير
مثال
انت قررت تاخدهم فطار وغدا
لاقيتهم بيفطروا طعميه وفول وعيش وكده
هتاخد ربع رغيف ونص طعميايه ومعلقه فول
معملوين بالطريقه العاديه جدا حتي لو الفول معمول بزبده
هتيجي في الغدا
لاقيتهم عاملين مكرونه بشاميل وفراخ
هتاخد قطعه مكرونه قد ٣ صوابع وربع فرخه لو الفرخه صغيره بدون جلد طبعا ولو الفرخه كبيره اوي هتاخد نص الربع
والاكل هيكون معمول بطريقه البيت العاديه مش بطريقه دايت (اي طريقه)
مثلا عاملين عدس ولا بصاره
هتاخد ٤ معالق عدس او بصاره ونص رغيف من ابو ربع جنيه وابو نص جنيه يبقي ربع رغيف
طابخين عفريت هتاخد ٤ معالق عفريت هههههه
طبيخ ورز ولحمه
هناخد مكعب لحمه صغير و٤ معالق خضار و ٣ ارز كله معمول عادي
#ملحوظه املوا المعلقه بما يرضي الله مش تكبسوها بمقام ٢
انت رقيييييب نفسك
والوجبه التالته هتكون ثمرتين الفاكهه وكوب زبادي صغير او كوب لبن صغير للي مش بيحب الزبادي ولو عنب او اي فاكهه صغننه هيبقي نص كوب
البطيخ ممكن تكتر منه الضعف لانه سعراته قليله
(الوجبه دي مهمه واساسيه مينفعش نستغني عنها عشان الكالسيوم والفيتامينات)
ولينا في اليوم ٣٠ جرام اي حاجه بنحبها ناخدها في اي وقت من اليوم
ومش لازم تكون حاجه مسكره ممكن لب او شيبسي
اي حاجه بنحبها ناخد ٣٠ جرام في اي وقت في اليوم عادي
مثلا بتحب ميجا ايس كريم هتاخد ربعها
بتحب شيبسي هتاخد كيس من ابو نص جنيه او حبه من الكيس الكبير
حته كيكه ، بسبوسه ، بوريو ، شوكليت ، مولتو ، اي شئ بتحبوه
كل يوم اختاروا حاجه وخدوا منها ٣٠ جرام
بس حاجه واحده الزهايمر مينفعش هنا ههههههه و ٣٠ جرام ها ٣٠ جرااااام احسبوها بالنظر كده
او اقروا الوزن اللي علي المنتج لو الوزن مكتوب وقسموه
طبعا الكل بيقول الاكل قليل ومش هنشبع طبعا مش هتشبعوا هنعمل ايه بقي
طبق سلطه مش كبير اوي حلو متوسط كده يتاكل مع الوجبتين بتوعنا
اي خضار سلطه بدون زيت وحطوا ملح وتوابل عادي وخل ولمون براحتكوا
(طبق السلطه ده اساااااسي مع الوجبه مينفعش نستغني عنه عشان صحتنا والفيتامينات)
وكل يوم نوعوا الخضار وابتكروا
(كرنب خس طماطم خيار بصل جزر بقدونس فجل جرجير كرفس شبت بروكلي بتنجان ني بنجر ) شكلوا كل يوم الخضار براحتكم
بس ياريت محدش يديها خضار كتير زياده عشان عاوزين نخلي المعده تتعود عالاكل القليل وتصغر
اه المعده بعد كام شهر بتصغر وبتتعود عالقليل ومتقدرش تكتر اصلا بعد كده
معلش بدايه اي شئ صعبه وهيا دي الاراده 👍👍👍💪💪💪💪💪
#ارشاد مهم
الوجبتين الصغيرين بتوعنا هناكلهم ببطئ شديد ومش ادام نت ولا تلفزيون ولا اي حاجه
هتركز في كل معلقه اوووي وتستطعم عشان تشبع من الشيء اللي قدامك
بتكلم بجد وده هام جداااااااا
يعني مثلا انتوا عاملين ممبار ولحمه
هتاخد قطعه ممبار واحده ١٠سم او ١٥ سم ومكعب لحمه صغير او حته فرخه مثلا
ده نصيبك في الوجبه هتاكلوا ببطئ شديد وتركز وتستطعم الممبار اوي اوي وتكمل بعد كده بالسلطه او الجذر او الخس او اي خضروات
هنركز في طعم الاكل عشان عقلنا الباطن يشبع منه
طب. انتوا بين الوجبات دي نفسكم في سناك نفسكوا تحطوا حاجه في بقكم كده
احساس اكيد بيجي لاي حد
في ٣ انواع سناك مبيتخنوش بس يتاخدوا بالعقل
فشار وحمص الشام والترمس
الفشار يكون معمول في الميكرويف بدون زيت او معمول في الحله عادي بمعلقه زيت صغننه جدااااا
ونوع واحد من ال ٣ انواع يوميا وكوب واحد بس يوميا
طبعا الترمس وحمص الشام مفيهش زيت دي حاجه معروفه
ممكن تفتكسوا في الفشار لو نفسكم في سناك مسكر وتحطوا سكر دايت عالفشار اول ما يتعمل بدل الملح(اي نوع سكر دايت يكون بودر ينفع)
#السناك ده اختياااااااري مش اجبااااري ممكن نستغني عنه عادي ده للي عاوز سناك
طبعا هنشرب اي مشروب عادي بسكر دايت براحتنا
(قهوه او نسكافيه بلاك او نعناع او كركديه ينسون او شاي او اي حاجه عشبيه
بس الكاكو والنسكافيه ٣في واحد والكفي مكس هيبقوا يا مره واحده في اليوم يا بلاش عشام كلهم سعرات حراريه
كيس النسكافيه ٣ في واحد فيه ٦٠ سعر حراري خدوا بالكم الكريمر بيتخن وكله سعراااااات
ولااااااااازم يبقي في رياضه كل يوم نص ساعه علي الاقل او ساعه ياريييت
اللي يقدر يروح الجيم يبقي هايل
واللي ميقدرش يجيب فديوهات من عاليوتيوب بتاعه ايروبكس ويعمل معاهم بجد متواصل مش يعمل دقيقه ويوقف الفديو ويروح يعمل حاجه ويرجع يكمل لاء يعمل متواصل
او مشي بجري ساعه (مشي جاد او مشي هروله ولو جري يا سلام)
او رقص ساعه
اه رقص ساعه متواصله تحفه تحفه بجد
ادوها مهرجانات وعيشوا
لازم اساسي حاجه من الحاجات دي تتعمل اضعف الايمان المشي
بسسس الايروبكس هووو الوحيد اللي بيشد الجسم لكل اللي بيسألوا عالترهلات
المشي واي شئ تاني هيساعد في الحرق بس الايروبكس هوة اللي بيشد الجسسسسم
#ملحوظه
لو معمتلوش رياضه ممكن تخسوا اه لكن بترهل
مع الرياضه مفيش ترهلات والخسسان اكييييد
(وكل اللي بيسأل عن شد البطن او اي منطقه حلكم الايروبكس للمنطقه دي واهم حاجه المثابره والاستمرار والصبر الموضوع محتاج شهور )
لازم وانت ماشي عالنظام تحط هدفك ادامك وتقول مفيش اكل هيتحكم فيا
انا اقوي
مش هفضل طول عمري تخين وسخريه من الجميع ومش عارف اعمل ولا البس اللي علي مزاجي
لو نفسك في حاجه وانت خلاص خدت اكلك
قول انا رصيدي النهارده خلص هاخد بكره في رصيدي الجديد
وقول انا مش محروم انا بدوق كل الاكل
وياريت تعلقوا اكتر صوره تخان فيها ادامكم
وورقه تتلزق عالتلاجه بمغناطيس واكتبوا فيها انا ليه عاوز اخس والتخن سببلي ايه في حياتي واقروها كل ما تدخل المطبخ
وهام جدا لازم ناخد اي فيتامين مع النظام عشان بشرتنا وشعرنا ومنبقاش مجهدين
انا باخد بريجفت زينك واحده يوميا
وبنتوجار ٢يوميا
او اي فيتامينات متعدده مش شرط دول
ولاااازم نشرب كل يوم٣ لتر ميه او ٢ لتر اقل حاجه ومش بنحسب مشروباتنا من الميه
ولازم برضه نحاول قدر الامكان ننام بدري ونصحي بدري لان الحرق في النهار اعلي ولأن كمان السهر ممكن يجوع الانسان ويخليه ياكل

كتبت : ام ناصر**