ااااااااااااااااااااااااه
نهول اخيرا وصلت
شوفي ياجنه ياحبيبتي
شاي الرجيم اللي بالصيدليه مايساعد الجسم علي حرق الدهون هو بس بيعمل(اسهال)
وهو مفيد مع الرجيم لان كل انواع الرجيم بتعمل امساك
لكن لو اخدتيه وانتي بتاكلي اكل عادي راح يعمل لك اسهال شديد
فخديه كملين مع الرجيم هذا كل شغله
اما موضوع انك بتكرهي المشروبات دي طيب هاتي جنزبيل طازج او مطحون وحاولي تحطي منه علي الشوربه بس بما انك ماتحبي طعمه حطي يادوب بأطراف اصابعك كميه وبالتدريج زيديه لما تتعودي علي الطعم بيسد نفسك وبيحرق الدهون
اما الشوربه هقول لك فكره احلي
بدل شوربه اللحمه اعملي شوربه خضار بالماء والبصل والطماطم وحطي الخضار اللي تحبيه ماعدا البطاطس وممكن تحطي كرنب كل اللي نفسك فيه وكليها بالليمون هتشبعي منها اكتر وسعراتها الحراريه قليله وكمان هتخلصك من مشاكل الامساك مادمت غاويه شوربه مثلي
او كلي في الفتره دي طبق خضار سوتيه نوع واحد لو زهقت من الشوربه زي الكوسا او الفاصوليا او تورلي في الفرن
كليه كده من غير رز ولا عيش هيشبعك جدا
اما مشكله البطن والله انا قعدت اكتر من 4 شهور ملتزمه برياضه البطن يوميا وبطني نزلت كتير وان شاء الله هأحاول تاني انا احبطت لانها فضلت ثابته فتره طويله بس الوقت في رمضان ضيق جدا
واشتريت حزام للبطن وكمان اشتريت جهاز شبه اللي نهول حطت صورته
بس زي ما قلت لك وزني وبطني ثابتين بقي لهم شهر كامل بس برضه احسن ما يزيدوا
اما نهوله والله فكره سكر الرجيم مممتازه جدا انا هشتريه ان شاء الله جزاك الله خير ياسكره
ورزقك الذريه الصالحه يارب