يومياتي مع ريجيمي تحت شعار وداعا أيها الوزن الزائد!

مجتمع رجيم / الحمية و الرشاقة و الرجيم
أحلى ريجيم
اخر تحديث
يومياتي مع ريجيمي تحت شعار وداعا أيها الوزن الزائد!

الزائد! 38643alsh3er.gif

شحالكم يا أحلى بنات ؟؟؟

أخباركم مع الريجيم ..؟ شلون الهمة العالية ؟؟

هذا الموضوع بكتب فيه يومياتي بالصوت + الصورة + الفيديو ( الأكل و الوجبات )

عشان يكون الموضوع مشوق .. و الكل يستفيد منه .. و بعرض كل الأشياء تقريبا اللي تصير

ان شاء الله راح أبدأ الريجيم من اليوم بتاريخ 16/7/2011م

و الوزن اللي لازم أنقصه 3 كيلو جرام لين تاريخ 22/7/2011م


الصراحة لما قررت اني أسوي ريجيم كليت أمس كل اللي أباه تقريبا و هاذي طريقة تخليني أصبر هالأسبوع لين يوم السبت

و لكن هاذي طريقة قبل ما تبدين الريجيم بس و لكن في الأسابيع القادمة لو بديتي الريجيم بهالوقت

بيكون فيه يوم حر لج .. بس ما باكل مثل ما كليت قبل ما بديت

اليوم هو يوم السبت اللي ببدأ فيه ريجيمي .. ولكن السبت الثاني اللي بيي بيكون يوم حر و لكن دون تفريط

يعني كيييف ؟

اليوم السبت ( بداية الريجيم )
الأحد
الاثنين
الثلاثاء
الاربعاء
الخميس
الجمعة
السبت ( هذا السبت الثاني )

لما يي هاليوم بتكون الوجبات فري و لكن لازم أسوي شي مهم اللي هو
أقيس وزني الصبح أو لما أقوم بأي وقت على معدة خالية ...( ضرورية هالمعلومة )
و أشوف كم نقصت ؟؟؟
بعدين آكل وجبات فري و لكن يفضل انج ما تكثريييييين واااااااااايد

طبعا ريجيمي مو من نظام معين أو من دكتورة

الريجيم هذا ما تنحرمين منه لان في يوم تكافئين نفسج اللي هو السبت
و ريجيمي يبتعد عن الأكلات الدهنية و ذا السعرات الحرارية العالية اللي يعرفها الكل في فترة معينة من الأسبوع
و بعدين أكافئ نفسي يوم السبت و آكل اللي أريده من اللي كنت ممتنعة عنه ...

الأكلات الممنوعة في الريجيم خلال الأسبوع كامل الا يوم السبت:
1-(أي شي مقلي ) إلا إذا قليتيه بزيت صحي و لكن تسوين زيت بكمية قليلة جدا

و مو كل يوم...

2-البطاطس في البقالات ( يا حبني لها الزائد! w00t.gif ) و الشوكولاته المدمرة للريجيم ..
3-الطعام اللي يحتوي على صلصة...
4- الكاتشاب و المايونيز.
5- الخبز بأنواعه الا التوست الأسمر فقط.
6-اللقيمات و الهريس و الثريد و الصالونة و الطبخات العربية و الخليجية المعروفة انها فيها زيت أو سمن أو دهن.
7-الفواكه.
8-التمر.
9-العصائر.
10-الآيس كريم.
11-و أي طعام يحتوي على الدهون و الزبدة و السمن.......الخ

الأكلات الغير ممنوعة في الريجيم بتعرفونها لما بحط ان شاء الله يومياتي لكم

شعاري هو : وداعا أيها الوزن الزائد!

تابعووووني الزائد! icon7.gif
أحلى ريجيم
الضروريات في الريجيم :

1-( المشي ) كل يوم نص ساعة تقريبا و مو شرط كل يوم بس على الأقل مرتين أو ثلاث في الأسبوع ...

2- رياضة معينة تحبينها ... ( أنا أحب نط الحبل )
و ترا الرياضة تساعد على شد الجسم و تمنعه من الترهل وعندج رياضة شد البطن لان البطن هي المصيبة الكبرى

3-شرب الماء على الأقل 8 أكواب في اليوم و كل ما زاد كان أحسن خصوصا ان نحن نسوي ريجيم و نخسر سوائل

4-عدم استخدام سياسة التجويع .. فمثلا المرة الأولى اذا حسيتي بالجوع اشربي ماي المرة ثانية يالج نفس الشعور اشربي ماي
و ثالث مرة نفس الشي اشربي ماي اذا ما قدرتي روحي كلي أي شي خفيف مثل خيار ... خس .. بس عشان شعور الجوع يروح

5-دهني جسمج بالكريمات المعطرة لان يعطي شعور بالثقة و يساعد على شد الجسم

6- خلي عندج هدف ليش انتي تبين تضعفين ؟؟؟؟ و خليه في بالج عشان تتشجعين و لا تتكاسلين لأن النتيجة بتكون إيجابية بإذن الله و بتفرحين بالجسم الحلو و تلبسين بعد احلى الملابس بقياسات حلوة و صغيرة

7-اشربي المشروبات الساخنة الحارقة للدهون مثل الشاي الأخضر ( الورق ) أو ليبتون ... و الزنجبيل

8-اشربي على الريق ماي مع قطرات ليمون و اذا معدتج تحسس من الليمون او ماتقدر تتأقلم معاه من الصبح اشربي ماي بس


اذا في ضروريات ثانية بخبركم ان شاء الله مع اليوميات
أحلى ريجيم
تـــابعوني
miss toota
هاي احلي رجيم

انشاء الله يا قلبي وزنك ينزل وتوصلي للتبيه

وانا حابه اشارك معاكي واشجعك
أحلى ريجيم
ان شاء الله حبيبتي ... و اتمنى لج كل الخير و يحققلج ربي اللي تبينه آمين

و يصير انج تشاركيني و تحطين يومياتج من صور بعد

و أعتبرج أول مشتركة و بنشجع بعضنا ^^
أحلى ريجيم
مشكووورة و الله يوفقج آمين ^^
الصفحات 1 2  3  4  5  ... الأخيرة

التالي

كريم الزنجبيل المطور...لتنزيل الوزن

السابق

رجيم رمضان .......1200 سعره حرارية

كلمات ذات علاقة
مع , تحت , يومياتي , ريجيمي , شعار