خواطر ويوميات

مجتمع رجيم / أرشيف رجيم

كتبت : * عطر الياسمين *

السلام عليكم

صباحك ورد سحورة

أها في عندنا متلها هي كريم باتسيير بذوق الفانيلا او المز أو أي شي بتحبيه
و أنا بساوي بيها أكتر من وصفة بس هالمرة حابة أعمل شي جديد
لقيت كريمة راح أجربها و إن شاء الله تطلع النتيجة حلوة

مرسي حبيبتي

كتبت : * عطر الياسمين *

يومي: فطور : قطعة كعك بسميد و تمر + كوب حليب منزوع الدسم مع قهوة

سناك : 2 فراولة و تمرة

الغدا : 4 م ك باستا + صحن سلطة + لحم مفروم مشوي

المفروض أروح عالجيم بس كسلت و مارحت

يتبع ..

كتبت : * عطر الياسمين *

تكملة : سناك : علبة أكتيفيا

العشا : تفاحة + مرتديلا + جبنة

مشيت 30د

كتبت : * عطر الياسمين *

صباح الفل

يومي : فطور :5تمر + 1 توست محمص بجبن

الغدا : قطعة دجاج مع صحن سلطة

سناك : قطعة كيك مع كوب حليب خالي الدسم

العشا : كوب حساء + شرحة مرتديلا و شريحة جبنة

كتبت : مجرد طفلة

انا جيت حابة ارجع التزم
لقيتكم بتتكلموا في الحلو و الكريمة
شو الحل بقى ههههههههههه

انا طبعا تخبيص في تخبيص
بس ان شاء الله بداية صحيحة يوم الاثنين
مع اني تعبت اقول كل اسبوع الاسبوع اللي بعده
هالمرة بدي اركز اكثر شي على الرياضة شو رأيكم ؟

الصيف قرب كثير
و انا لسة مصرة انه هالصيف ان شاء الله غير
الاثنين الوزن و يكون في نظام جديد ان شاء الله و متكامل

نسيت اسأل
سحر انتي وصل معاد الدكتور ولا لسة ؟؟

عطر
لساتك بتروحي للصالة الرياضية ؟ و شو رأيك بلشت تبان النتيجة في الجسم ؟

كتبت : سحر الغروب

صباح الورد بنات
كيفكم اليوم
صحة وهنا عطووورة وكل عام ووالدتك بخير
متزكرة انا انه اليوم شطورة مو هههههه
ان شالله العمر كله يا رب

مجرد طفلة الي بدها قتلة ههههههههه
كيفك اول شي يا قمر
اي شايفة بنحكي بالكريمة والحلو والله بشهو شو نساوي ههههههه
لا انا باقي عشر ايام بيجي موعد الدكتور بس مترددة روح او لا
بحكو مامنيحة فما عارفة
حاليا باخد الدوا ويعني هاليومين اخف شوي
صحيح مو كتير بس انه احسن وان شالله يارب ما احتاجها ابدا

لازم تبلشي الريجيم يا قمر
خلص حاجتك بدنا نلبس تياب احلى واضيق كمان
وفساتين بتطير العقل خاصة اذا كان عنا نسوان اخوان بطقو من غيظن هههههههههههههه
عندي مرت اخو بتقلي خلصصصصصصص بكفيكي شو عاملة بحالك حرام خلص وخلص
وكلا قهر وموت وكل ما تيجي بصيرلي شي فانا بدعي ما تيجي عنا ابدا ههههههههه
بس مع هيك بنبسط كتير انه يعني الكل ملاحظ الفرق
بس احلى شي صايبتني حساسية واكتر شي بوجهي فصايرين خدودي حمر وصاحباتي بالدوام بقولولي شو اليوم عاملة وجهك سحورة وانا يا ويلييييييييييييييييييييي شو عاملة وجهي هاي
ويقولولي اي عاملتيه ليكو احمر
واليوم اختي بتحكيلي نفس الحكي اي شو ساوي اشتريت دوا وبحط منه وقال بقولولي احلى خليه هيك
مفكريني هايدي ( بتعرفوها مسلسل الكرتون ) الي خدودها متل البندورة هههههههه

حكيت كتير مو
بالعة راديو انا
عكل اليوم تركتو مفتوح لابدا بكرة من جديد وبقوة ان شالله
بكفيني ثبات تلات اسابيع بالوزن طقت روحي هههههههه
بس الحمدلله على كل حال
بدي لحق اكل قبل ما يخلص اليوم ههههههههههه
شو رايكم بهالفكرة هي حلوة موووووو

يلا ااااااااااااااااااااااااااا عزيييييييييييييييمة وتحدييييييييييييييي ورح نقهر الي باقي على اجسامنا ونقهر الاعااادي
قولوووووووووووو يااااااااااااارب

وخلص بكفي تخبيص وشبعنا من الاكل ونرجع ننطلق من جديد

مجرد طفلة اي لازم تركزي على الرياضة وصدقيني اهم شي المشي وانتي اشتريتي الجهاز فيكي تمشي عليه ساعة او اكتر
بس انه جربي امشي ساعة او ساعة الا ربع وبكفي
واذا حبيتي بنفس اليوم عادي بس مو متواصل اكتر من ساعة

الله يوفقنا ياااااااااااااارب

الصفحات الأولى ... 90 91 92 93 94 95 96 97 98 ... الأخيرة

مواضيع مميزة قد تهمك

جروب ويوميات للي وزنهم في الـ 80 ... جات علينا ؟؟

برنامج ويوميات مجموعة التخلص من الارداف والفخوذ

خطة ويوميات المباراة الرياضية ج3

خطة ويوميات المباراة الرياضية (ج3)

حره بكف اصغار ويوميات الرجيم

يوميات للحوامل(( الدايت الصحي ))

رحلتي ستبدئ من جديد

خواطر , ويوميات