سحاب لاحظت اكلك اغلبه نمط واحد يا شابورة يا دجاج يا تمر !!
و أحياناً تقللين أكلك مررره و هذا غلط .... الجوع يولد انقضاض ع الأكل اسأليني .... هذا غير فقر الدم .لأنك كل ما نوغتي اكلك كل ما أخذتي معادن و عناصر غذائية منوعة من كل مكان
و الشابورة يا ماما اكليها عادي بس لا تبطشين فيها و تاكلين كمية كبيرة ...اكلي كيس صغير اللي يجي فيه 3 حبات مع كاس حليب و حبة فاكهة اللي تحبين
ما فيه شي بالعالم شر محض أو شي يسمن خلاص نقاطعه ..اللي يسمن انك تكثرين من صنف واحد و لا تحرقينه
فيه اكل صحي و اكل مو صحي و الله يبارك بقوقل يعلمنا بكل شي .....
لازم أكلك يصير منوع و متوازن كل ما جيتي بتاكلين قولي : يا سحاب منوع و متوازن و صحي و خفيف
شوفي حبي .... اختي الصغيرة كان وزنها 90 و نزلت لل80 حاف لأني وريتها العين الحمرا ....(بمتوسط الأخت و بغت تصك المية يا لهوي )
حددت لها النشويات ب 2 توست مع اي شي تبغاه بس ما يصير حالي أو دسم فرضاَ زي يعني ( مربى - طحينيه او شي مقلي و ينطف دهن ) ترا ينطف بليغه و فصيحة هعهع
مع صحن سلطة او حبة فاكهة بكل وجبة لاااااااااااااااااااااازم (باليوم 3 فواكة يعني )
+ مشي يومياً و تمارين أثقال لليدين و الدراجة 45 دقيقة و هي قدام التلفزيون !
المهم النظام هذا ريحني انا و صرت نظاميه بالأكل و قدرت أحدد سعراتي بكل وجبة
و البنت انشد جسمها و صارت صحتها عال العال و هذا انا معها لحد ال65
انتي لو تاكلين تفاحة بنهاية كل وجبة كان عطتك كفايتك من السكر اليومي و حسستك بالشبع ( اي فاكهة بس انا احب التفاح )
حتى البرتقال ما يحتاج عصير او شي تدفعين فيه زي ما الناس متعوده البرتقالة فيها 80% سوائل هذا غير فايتامين c و الحديد و الكالسيوم اللي فيها ( اغلب الناس على بالهم الكالسيوم بس بالحليب !! )
حطي لك نمط ....هذا راح يصير لك نظام حياة و المشوار طويل بس مثمر .....
اما البيبسي اقري بأضراره بقوقل و شوفي ايش بلاويه على العظام الكلى الشهية السمنة البطن وووووووو القائمة طويلة ...
عشان أدخل معكم جو.... بقولكم اكلي اليوم
الفطور صاموليه محشية زبدة فول سوداني + كاس حليب ( زبدة الفول السوداني مفيدة و فيها دهون مفيدة بس مانكثر لأن ملعقة وحدة فيها 100 كالوريز يعني معقول بس ما نمصخها
الغدا 2 توست + تونة + شريحة جبن منزوع الدسم + تفاحة
العصر شاي اخضر و كمون عشان بطني يعورني مو عشان خزعبلات الخصر و مدري ايش ...قناعتي ان اللي ينحف قل الأكل و كثرة الحركة و بس بلا أعشاب بلا خرابيط
العشاء 2 توست + فاصوليا + موزة
الرياضة مشي ساعة + الدرج 25 دقيقة و بسسسس و لا تنسون المااااااااااااااااااااااااااااااااااااااااااااااا ء بين الوجبات و بأثناء الرياضة
موفقين حبايبي ...آخر ملاحظة (الأكل الصحي طريق الرشاقة و البشرة المشرقة )
على فكرة ترا هذا نظامي من كنت 65 الى الآن 55 و لا زلت مستمرة عليه ...
موفقين جميعاً و الله اني أحب قروبكم عشان كذا قاطه معكم بوساعة وجه
(-:
