رحلة الرشاقة مع ياسمين

مجتمع رجيم / يوميات الرجيم
نجمة الرشاقة
السلام عليكم كيفكن بنات و كيف العزيمة
انا مستمرة الحمدلله وزني ثابت هالاسبوع بس الحمدلله مش زعلانة المهم اني مكملة ..

ياسمين حبيبتي تكرم عينك بكتبلك هون الوصفة و لما تقدري فوتي شوفيهن فيديو اوضح ..
بحط أربع ملاعق شوفان كبيرة مليانة بزبدية و بحط معهن ملعقتين حليب بودرة و 3/4 كوب ماء و بحركهن ليدوب الحليب و بدخلهن المايكرويف لمدة دقيقتين..فيكي تعمليه بالطنحرة عالنار اذا بدك..و فيكي ترجعي تزيدي المي شوي اذا لقيتيه سميك..
للتحلية استعملي ملعقة عسل صغيرة او اي محلي تاني غير السكر..و اضافات فيكي تنوعي كتير..مثلا موز و جوز الهند..او مكسرات او تمر مقطع وبتستغني عن العسل لان التمر حلو كتير ..او اي فاكهة بتحبيها ..الخيارات مفتوحة فيكي تتفنن فيه كتير..جربيها و اعطني رايك ان شاء الله تعجبك..
شوية جوز الهند مع اي اضافة بتختاريها بتعطي نكهة كتير طيبة للشوفان...بحسها بتصير متل اكلة حلو..فيكي تعمليه بنكهة الكاكاو اذا بتحبي الشوكولا..ضيفي مع الحليب شوية كاكاو..
نجمة الرشاقة
طبعا استعملي الشوفان سريع التحضير مش العادي لان العادي بياخد وقت ليستوي..

بالنسبة لخسارتي للوزن انتي كنتي معي بقسم من رحلتي و شفتي كسف كان نظامي..يعني بمعظمه كان تخفيف و اكل صحي و الامتناع عن الحلويات و الاكل المضر..الرياضة كانت خفيفة بس حاليا منتظمة بالمشي الحمدلله..لما كنت حس وزني ثابت لفترة اعمل تخفيف للاكل اكتر لخلي جسمي يرجع يحرق ..يعني ما اتبعت نظام او ريجيم قاسي..بس اكيد اخدت وقت معي يعني سنة و نص صار عمر بنتي..بلشت انتبه لاكلي من وقت صار عمر بنتي 3 اشهر بس ما بلشت ريجيم مزبوط لصار عمرها 10 اشهر يعني لما فطمتها...
بالتوفيق حبيبتي ان شاء الله كون فدتك و لو شي بسيط..المهم تكوني صبورة و ما تزهقي..الشغلة بدها وقت بس صدقيني مستاهلة التعب و الصبر..انا هلا عم بحصد نتيجة تعبي الحمدلله مبسوطة و حابة شكلي و حتى اني غيرت طريقة لبسي و اشتريت تياب مختلفة عن تيابي سابقا لان الضعف كتير بيساعد على التنويع في اللباس..بيخلي خياراتك واسعة و كل شي بتلبسيه بيطلع حلو عليكي..
نجمة الرشاقة
نزلت فيديو جديد لفطور صحي رح حط الرابط هون عشان اذا حدا حابب يشوف فكرة جديدة لينوع بفطوره..
وان شاء الله كل ما اعمل فيديو عن اكلة صحية بحطه هون
https://youtu.be/9u1QKOQh9BM
نجمة الرشاقة
الرابط الذي ارسلته هو لطريقة تحضير سموذي الموز والتوت ..
ان شاء الله تعجبكن الوصفة السهلة البسيطة..
اخلاص لله
مساء النور و الهنا يا بنات
اعتذر بشدة على الغياب اللي ضرني كثيييير و الله انتو صرتو دعم و ظهر كبييييير لي الله لا يحرمنا من بعض
المهم انا الان بحاجة كثيييير لوجودي معكم وتساند و نتعاون للقضاء على الدهون و أعراض السمنة و ما خبي عليكم من الاثار السلبية لهذه الافة من غياب الثقة في النفس و نظرة الأخرين حتى اقرب الناس لنا
على كل انا ها اليومين اللي غبت عنكم في أشياء سلبية و اخرى إيجابية صارت معي
السلبيات اكل و تخبيص و و عملت حادث صغير بالسيارة على علمكم اختكم حديثة عهد بالسياقة الحمد لله الأضرار بح لكن زوجي وبخني و شتمني و ضربني مثل ما تعرفو الرجال ما يحبون على سياراتهم الحمد لله ذراعي مزرق و نفسيتي زفت الحمد لله و الأدهى انه صرح بكل عيوبي و رككككككز على السمنه ههههه شر البلية ما يضحك
الاجابيات أني رتبت و نظفت و نظمت جزء كبيييييييير من بيتي بيتي واسع و الحمد لله و كثيييييير متعب مع الأولاد ما احكيلكم
اخلاص لله
آسفة مرة اخرى نسيت حتى اسالكم عن اخباركم اعذروني شوي متوترة
بالنسبة لنهار الغد ان شاء الله مش عارفة اذا رح أواصل الصوم للعلم لسة باقي لي عشر ايام من دين رمضان الفضيل او اكمل شغل البيت و احاوابرمج للرياضة و الرجيم و الله لسه مش عارفة عموما بكل حال من الأحوال رح اخبركم ان شاء الله باخر التطورات الساعة الان عندي منتصف الليل و النصف آشوفكم بكرة على الف خير
احبكم كثييييييرا في الله
الصفحات الأولى ... 26  27  28  29  30 31  32  33  34  ... الأخيرة