كتبت :
أمـل
-
صباح العسل يا عسولات
عاملين ايه النهاردةيومي بدأ بداية منعشة
صحيت 10:30 وعملت تمريان شد المعدة تلاتين وتلاتين
بدأت بالشاي الأخضر ساعة 11 وفطرت الساعة 1 الظهر
كان فطاري كورنفليكس بنص كوب حليب قليل الدسم + ملعقة صغيرة عسل
الساعة 2 شربت وصفة الكرنب والزنجبيل مع شرائح الليمون
الوصفة دي مشيت عليها لفترة شهر وشوية وساعدتني جدا
لأني كنت باخدها من يوم عشرين مارس لحد عشرين أبريل
طبعا مع ريجيمات .. ونزلت بالزبط عشرة كيلو في مدة شهر
من 87.5 إلى 77.5
عشان كدة أنا متفائلة بيها جداً
وبما إني فطرت متأخر فراح أتغدا الساعة 5 أو بعدها بشوية
الغدا حيكون كرنب عشان حرام صعبان عليا ارمي كل الكرنب دا
بس مش محشي انما ورق الكرنب اللي سلقته لما صفيته هو الزنجبيل وشرايح الليمون
حطيت عليهم رشة ملح ورشة فلفل أسود وملعقة زيت وحطيتهم في الفرن
اختراع جديد من اختراعاتي اليومية ههههههههههههههه
بس سواء طلع طعمه كويس أو وحش حيكون غدايا النهاردة
عشان دا شيء مضمون انه مش هيزود دهون أبداً
زي ماقالت ( سنين عمري ) لازم نستحمل
