ميسـوو: اهلا معانا في سباقنا
منـوورة و ننتظر تفاعلج
ام اجمل طفلين : الله يوفقج يااارب
والله للآن ماشيه عـاال العـاال ^_^
انتي في امريكا اكيد صح
لان فرق التوقيييت كبييير جدا اظن 5 ساعات
على حسب الولاية الي انتي فيها
وربي يرجعك لأرضك و غاليينك بالسلامه
و برشاقـة و جمال ;)
بزوغ: خخخ لا دلعتينا حيل
الحين بشوف نفسي
حلو و الله السباحـة تحرق مررره
و على الي اعرفه انها تشد الجسم بعد يعني حلو
والله يسهل لك اليوم تخلصينه على خير و بإرادة ومحافظة
* اللهم صلي وسلم على نبيك الهادي الآمين محمد بن عبدالله
و على آلـه و صحبـه اجمعين
جزاج ربي الف خير عالتذكر ^_^
تبسم : تدرين انا مفكرة امشي عالصيام
يقولون احسن منه آجر ومنه تكسبين صحتج
و الي سويتيه انتي حلو والله فطورج صحي و مرتب
بزوغ من جديد : يااااااربي يسلمج
ويحرم اليدين الي صممت هالتصميم عالنار *آمين
حبيييته وااااااااااايد
وياليت كل بطله من قروبنا تحطه بتوقيعها
و حبيت كلمة *قمة التحدي بالتصميم !! مسـوويه جو حلوو
********************
اما انا يا بنات فكان لازم اليوم ابدا بريجم الماي الي مدته 5 ايام و هو ينزل تقريبا كيلوين او 3
بس الوالدة ربي يحفظها - اخصائية تعذية
و قالت لي لا تبدين فيه الحين لان تووني متخرجة
و صديقاتي شغاليين ما شاء الله عليهم حفلات و جمعات و اعراس
وزحمممه بهالاسبوع يعني امس عرس و بكره جمعة بنات العيلة
و نفس الحال يوم الإثنين و الثلاثا و الخميس !!
فـ جسمي بيتلخبط عدل ومابي حد يلاحظ اني مسويه ريجيم
لحد ما يبين علي
لاني اعرفهم بيقولون بالعكس حلوه انتي و لا تضعفين اكثر وبيقصون علي مثل كل مره
بس انا ابي انحف !!
طولي 165 و وزني 71
طالع علي حلو ومافي زوائد
بس اني مربربه و ودي يكون جسمي انحف
و منحوت اكثر >> خذ لك
لذلك قررت اني اصـووم طول هالأسبوع
و اخلي فطوري مع صديقاتي من عشاهم بحفلاتهم لكن خفيف
طبعا انا مابقول لهم اني صايمه بقعد معاهم عااادي
ولا كأنه في شي و بحاسب عالكمية + ببتعد عن الحلويات و السكريات
و الجمعه الجاية ببدا بريجيم الماي
اي صح + اني العب رياضة حاليا
اليوم لعبت عالقرص الدوار الي يطلع خصر و ينحف البطن و يسطحه لمدة نص ساعه
و طلعت و نزلت عالدرج 10 مرات
والمغرب بطلع امشي ان شاء الله سـاعه
واكلي كان خفيف الصبح ما فطرت
وعالغدا كلت صدر دجاجة مسلوق و كمية بسيطة من الرز
********************
سؤال اخير >> عورت رووسكم بسوالفي خخخ
بس صج الرقص ينحف ؟؟
ومن فيكم تجرب ترقص
طيب و الي ماتعرف ترقص مثلي شتسوي
وشكرا لحسن استماعكم
