بنات وانا ببحث بالنت لقيت المشروبات دى هحاول التزم بشىء منها هو نظام لدكتور محمد حلمى متابعاه بقناة الحكمة يوم الثلاثاء الساعه 4
بصراحه كلامه بيعجبنى ورجيماته مش قاسية هكتبلكم المشروبات ونجربها ويارب تجيب نتيجة
الاخت الامجربة الموضوع كاتبه انها نزلت عليه 5 كيلو باسبوع
قبل الفطار يوميا
تناول عصير الحرق ( وهو عبارة عن ثمرة تفاح أصفر + ثمرة جزر + 2 عود كرفس + ملعقة جنزبيل ويتم ضربهم في الخلاط وشرب كوب قبل الفطار مباشرة ) (والوصفة دي بترفع الحرق جدا طول اليوم زي ما الدكتور قالي )
الفطار
من اليوم الأول حتى اليوم السابع
نصف رغيف بلدي + 6 ملاعق فول بالليمون وزيت الزيتون أو قطعة جبنة قريش بالطماطم وزيت الزيتون والزعتر + أي خضروات بشرط تكون داكنة الخضار مثل الخص والفلفل الأخضر والجرجير
بعد الفطار بساعتين
ثمرة تفاح أخضر أو طبق بطيخ صغير
قبل الغذاء مباشرة
تناول عصير التنحيف ( وهو عبارة عن ثمرة طماطم + ثمرة تفاح أحمر + ثمرتين فراولة + ملعقة روزماري ويتم ضربهم في الخلاط وشرب كوب قبل الغداء ) ( والوصفة دي فائدتها منع إمتصاص الدهون زي م الدكتور قالي برضه الله عليكي)
الغذاء
الأيام من الأول حتى الرابع
رغيف عيش بلدي + طبق سلطة كبير
ربع فرخة شاورمة بالبصل والخضار والفلفل والطماطم وأي إضافات خضراء أخرى تفضلينها مثل الشبت والبقدونس والكرفس ومضاف عليها ملعقة جنزبيل
أو قطعة لحمة مشوية + طبق كوسة سوتيه
الأيام الخامس والسادس
ستة ملاعق أرز بسمتي + طبق سلطة كبير
2 سمكة مشوية أو
سلطة تونة وهي عبارة عن ( علية تونة بعد ما تصفيها من الزيت وضيفي عليها بصل وطماطم وفلفل بأي كمية )
اليوم السابع
بيتزا منزلي ( عبارة عن عجينة البيتزا وعليها لحمة مفرومة بالطماطم والبصل والفلفل وحبيتين زيتون أخضر )
قبل العشاء
وصفة مضاعفة الحرق (وهي عبارة عن كوب زبادي بدون وش + ملعقة زعتر وتضرب في الخلاط في نصف كوب ماء وتشرب قبل العشاء )
العشاء
من اليوم الأول حتى اليوم السابع
طبق فيشار صغير بملعقة زيت زيتون وبهارات بدون ملح
أو ثمرتين فاكهة + كوب لبن رايب منزوع الدسم
بس بصراحه مش عندى عصارة الفاكهة فهجرب اخر مشروب قبل العشاء لان مش عارفه ازاى اضرب الفاكهة بدون ماء ولا هى بماء وماكتبتش ياريت حد يفيدنى يابنات