يومياتى لمدة شهر مع رجيم بهاء ناجى،نفسى ألاقى نتيجة حلوة

بالتوفيق إن شاء الله ازميرالدا

بصراحة أنا معررفش غير وصفة واحدة بس مضمونة 100% فى التخسيس

و هى انك تقللى أقلك يعنى يكون بين ( 1200 إلى 1500 ) سعر فى اليوم

لازم تعرفى سعرات الأكل عشان تعرفى إنتى زودتى و لا لأ

و تشربى مياه كتير أكتر من 8 كوبيات فى اليوم

و علفكرة المياه على الريق بتخسس المياه العادية من الحنفية مش سخنة و لا حاجة

و الرياضة يا ازميرلدا مهمة جداً جداً أسألينى أنا

أنا من سنة بالظبط كنت 65 كيلو و طولى 157 و مع تنظيم الأكل و الرياضة المستمرة وصلت 55

بس طبعاً فى أوقات زى الأعياد و الكلام دا كنت بزيد و بحاول أنزل نفسى تانى

أنا حالياً الحمدلله زدت بقيت 58 ك و الحمدلله بحاول أحافظ بالرياضة و الرجيم

يعنى أزيد مسبش نفسى أحاول أنزل تانى

إنتى بس اصبرى و هتلاقى نتيجة حلوة

إنما بقى وصفة تشربيها تخسسك ابعدى عن الحاجات دى مفيش أحسن من الطبيعة

المشروب الوحيد إللى بشربه هو الشاى الأخضر مش عشان تخسيس و لا حاجة عشان ينظم عملية الهضم و هو مفيد عمتاً

ليا تعليق بسيط على فطارك

بيضة حلوة أوى بس لازم تاخدى معاها نشويات يعنى نصف رغيف أسمر مثلاً أو 2 توسط و تاخدى كمان ألبان يعنى كوباية زبادى أو نصف كوباية لبن

بالنسبة للغداء حلو أوى ما شاء الله ناقصة بس طبق سلطة و يبقى تمام

بالمناسبة إنتى أسمك الحقيقى إيه

معلش طولت عليكى بس لازم يكون عندك ثقافة تغذية و إنتى بتعملى رجيم عشان صحتك

بالتوفيق إن شاء الله